Samājasādhanavyavastholi
namo vajrasatvāya||
vajrasatvaṃ namaskṛty
trivajrābhedyavigrahaṃ|
samājasādhanāṅgasya
vyavastholir niga[?] dyate||
prathamaṃ tāvad
abhāvetyādi-
gāthām uccārya
sthāva|| ||rādipadārthān
śūnyatāyāṃ praveśayet|
tatrākāśadhātumadhyasthaṃ
bhāvayed vāyumaṇḍalam
ity ādinā
maṇḍalacatuṣṭayena
bhūbhāgan niṣpādya
tadupari bhrūṃkāreṇa kūṭāgāra[ṃ]|
tatrākṣobhyetyādi
samastadevatācakraṃ vinyased
ity adhimokṣyaḥ||
(1)
tato
yogānuyogā-
tiyoga-
mahāyogāḥ krameṇa
mahāvajradharam
ātmānaṃ niṣpādya
dvayendri[yasamāpattyā]
[māṇḍaleyadevatāṃ] utsṛjya
japan bhāvanāṃ ca kṛtvā
visarjjayed iti||
nyāśa(sic)deśanā śūcitā(sic) syāt||
idānīm
vyavastholis tṛtīyo-
padeśam āha|
yadā'smin loke
gatisamvarttanīprāpte
traidhātuka ekas satvo[']pi
nāvaśiṣṭo bhavati|
bhājanalokamātram avatiṣṭhate|
tadā kramakrameṇa
(2)
saptasūryāṇāṃ raśmayaḥ
prādurbhūya
traidhātukaṃ dagdhvā
ākāśamayaṃ kurvvanti||
imam artham utpattikramabhāvakaḥ|
abhāveti
gāthām
uc[c]āryālambayati|
punaḥ pratītyasamutpāda-
prabandhabalān
mandamandā vāyavaḥ syandante|
tatas te vāyavo varddhamānā
ṣoḍaśalakṣayojanodvedhaṃ
pariṇāhenāsaṃkhyam vāyumaṇḍalam
ākāśopari nivarttayanti|
tasmin vāyumaṇḍale
meghā sambhūyākṣamātrābhir
dhārābhir varṣayanti|
tad bhavaty apāṃ
ma [ma]ṇḍa[la]ṃ|
tasya pramāṇaṃ
(3)
yojanānām ekādaśalakṣam
udvedho viṃśatiś ca sahasrāṇi|
tāś ca punar āpo vāyubhir
āvarttyamānāḥ kāṃcanamayī
mahī bhavaty apām upariṣṭhāt|
tasyāḥ pramāṇaṃ trayo lakṣā
udvedhās sahasrāṇi ca viṃśatiḥ
agnimaṇḍalas tu
tad antarbhūta eva|
ayaṃ sanniveśotpādo
yoginām
ākāśadhātumadhyasthaṃ
bhāvayed vāyumaṇḍalam
ity ādinā
caturmaṇḍalakrameṇa
bhūbhāgāvalambanaṃ|
evaṃ satvānāṃ
karmaprabhāvasambhūtair
vāyubhis saṃhṛtya
suvarṇṇādayo rāśī
kriyante| sumervādayaḥ parvatā
(4)
devavimānāni
dvīpāś cakravāḍaparyantā
vṛkṣagulmalatādayaś ca
saṃbhavanti|
iyatāś ca[ ]
bhavotpattikrama-
bhāvakānāṃ
śūnyatābhāvanālakṣaṇapūrvakaṃ
caturmaṇḍalakrameṇa
bhūbhāgan niṣpādya
tad upa[ri] kūṭāgāraṃ
niṣpādayed ity uktaṃ bhavati|
tato vijñānādhipatir
mahāvajradharaḥ
satvajanakaḥ|
bhājanalokān niṣpādya
satvalokaṃ
nirmiṇoti|
ālayaniṣpattipūrvikā
trivajrotpattibhāvanā karttavyeti
vacanāt|
tatra catasroyonayaḥ|
(5)
tatra aṇḍajā
jarāyujā
saṃsvedajā
upapādukā iti|
yonir nāma jātiḥ|
aṇḍajā yoniḥ katamā
ye satvā aṇḍebhyo jāyante
tadyathā
hansakrauñcamayūra-
śukasārikā(sic)dayaḥ|
jarāyujāyoniḥ katamā
ye satvā jarāyor jāyante|
tadyathā
hastyaśva[go]mahiṣā-
kharavarāhamanuṣyādayaḥ|
saṃsvedajā yoniḥ katamā|
ye satvā bhūtasa[ṃ]svedajas
tadyathā
kṛmikīṭapataṅga-
(6)
maśakādayaḥ [|]
upapādukā yoniḥ katamā|
ye satvā
avikalā
ahīnendriyāḥ
sarvāgapratyaṅgopetāḥ
sakṛd upajāyante|
tadyathā
devanārakāntarābhava-
prāthamakalpikādayaḥ|
atrāha dvīpatraye[']pi manuṣyāḥ
prativasanti kim arthaṃ
caramabhavikā
bodhisatvā mahāsatvās
tuṣitavarabhuvanāt
tatra nāvataranti|
avaśyam evātra jambudvīpe
avatīrya manuṣyāṇāṃ
dharman deśayanti|
kāraṇam atra nirdeśatu
bhagavān vajraguruḥ śāstā|
(7)
vajragurur āha|
pūrvavidehe|
aparagodānīye|
uttarakurau manuṣyā
mahābhogasamvarttanīyāḥ|
kin tu dhandhā jaḍā
avivekacāriṇaḥ|
ayaṃ tu jambudvīpakarmabhūmiḥ|
tena sukṛtaduḥkṛtānāṃ
uttamamadhyamādhamānāṃ
satvānāṃ karmaphala-
vipāko'tra dṛśyate|
tathāpy atra jambudvīpe manuṣyāḥ
śaṭha kapaṭamada-
mātsaryaduṣṭāśayā
jarāvyādhiparipīḍitāḥ|
kintu dyotitajñās
tīkṣṇendriyāḥ| paṭujātīyāḥ|
tena bodhisatvā
(8)
jambudvīpe [ ]
janapadeṣūpapadya
dharman deśayanti|
ata āha|
manuṣyalābhaḥ prathaman nidhānaṃ|
niṣkrāntalābho dvitīyan nidhānaṃ|
pravrajyalābhas tṛtīyaṃ nidhānaṃ|
samādhilābhaś [ ca] caturtha nidhānaṃ
iti|
asādhāraṇaguhya-
mahāyogatantre [']py āha|
atītānāgatapratyutpanna
[sarva]buddhā manuṣyātmabhāve
sthitvā
sarvajñasiddhipadaṃ
āpnuvantīti|
ataḥ kāraṇān manuṣyāṇām
utpattikramo nirdiśyate|
prāthamikakalpikā manuṣyās
sarvabuddhaguṇālaṃkṛta
rūpiṇo manomayāḥ|
(9)
sarvāṅgapratyaṅgopetā
avikalā
ahīnendriyāḥ|
śubhavarṇṇakāyinaḥ svayamprabhā
ākāśagāminā
dīrghāyuṣaḥ
prītyāhārā jñānamūrttayas
te māyopamasamādhiṃ
na prajānanti|
aprajānanto'nādikālān
ajñānavāsanāprabandhabalāt
krameṇa svacittodbhūtaiḥ
karmakleśair
abhibhūyante
tatas te manomayakāyam
avahāya kleśaprabandhānukrameṇa
prākṛtamanuṣyātmabhāvaṃ
parigṛhṇanti
evaṃ svacittavakraḥ
kalyāṇamitravirahitaḥ|
svasvabhāvaṃ na jñātvā
satvanikāyāc cyutvā cyutvā
(10)
yāvad āyanti sāmagrīn na labhate
tāvat saptāhan
antarābhave tiṣṭhatīti
niścayam āha|
antarābhavasya kiṃ lakṣaṇam
āha maraṇabhavasya|
utpattibhavasya cāntare
ya ātmabhāvo [']bhinirvarttate|
deśāntaropapattisaṃprāptaye so
'ntarābhava ity ucyate|
sa tu paṭvindriyo bhavati|
yathā caramabhaviko
bodhisatvaḥ saṃpūrṇṇayauvanaḥ
sarva [jña] lakṣaṇānuvyañjanaś ca
tathaivāntarābhavastho'pi
mātuḥ kukṣau praviśet|
koṭīśatam cāsya dīpikānām
ābhāsate|
yathoktaṃ
bhadrapāliparipṛcchāsūtre|
(11)
sa ca sopabhūtapuruṣaḥ
prahitvā
divyāṃ smṛtiṃ pratilabhate|
ṣaṭkāmāvacarān devān
paśyati|
ṣoḍaśamahānirayān paśyati|
sa ca samakaracaraṇam
ātmabhāvaṃ paśyati|
evaṃ ca prajānāti|
idānīn taṃ madīyaṃ kalevaram iti|
ya [ ?? ]thoktaṃ
kośakārikāyāṃ|
sa jātiśuddhadivyākṣa
dṛśyaḥ karmarddhivegavān|
sakalāṣo'pratighavān
anivarttyas sa gandhabhug
iti||
anenotpattikrama-
bhāvakānāṃ
yogānuyogakrameṇa
niṣpannadevatāmūrttir deśayati|
(12)
yathā caramabhaviko
bodhisatvo mahāsatvas
saṃbhogakāyena manuṣyāṇām
arthaḥ kartun na śakyata iti kṛtvā
skandhadhātvāyatanā-
nupraveśena
nirmāṇakāyagrahaṇārtham
garbbhāvakrāntim upadarśayati|
tathā'ntarābhavastho'pi
saptāhātyajenā nādi-
svavikalpavāsanāprabandho-
dbhūtakarmaṇā saṃcodite saty
utpattiṃ gṛhṇāty anena krameṇa|
tatrāyaṃ kramaḥ|
prāthamakalpikānāṃ manuṣyāṇāṃ|
amṛtam āhāramāṇānāṃ yāvat
kavaḍīkārāhāra paryante
kharatvaṃ gurutvaṃ kāye[']vakrāntaṃ|
prabhā'ntarhitā|
tato'ndhakāre(sic) utpanne
sūryācandramasau loke
prādurbhūtau|
(13)
tata[ḥ] prajñopāyavibhāga-
darśanārthaṃ teṣāṃ
strīpuruṣendriye prādurbhūte
saṃsthānaṃ ca bhinnan teṣām
anyonyaṃ paśyatāṃ pūrvābhyāsavaśād
anyonyarāgacittam utpannaṃ|
yato vipratipannāḥ| tad
ārabhya strīpuruṣa iti saṃjñāntaram
adyāpi loke pravarttate|
tatas sa [?] gandharvasatvas
trayāṇāṃ sthānānāṃ
saṃmukhībhāvān mātuḥ kukṣau [sa]
garbbhasyāvakrānto bhavati|
mātā kalyā bhavati ṛtumatī|
mātāpitarau raktau bhavataḥ|
tatas tayor anyonyam anurāgaṇa-
vajrādhiṣṭhānenāliṅgana-
cumbanādikriyayā dvayendriya-
samāpattiṃ dṛṣṭvā [kā]
(14)
kāmopadānāyā ntarābhavaṃ hitvā
aśvārohaṇavad vijñānādhipatiś
cittavajro vāyuvāhana-
samārūḍhaś śīghrataram āgatya
kṣaṇalavamuhūrttam
āveśajñānasatva iva vairocana-
dvāreṇa praviśya jñānabhūmiṃ prāpya
upāyajñānena
sahādvayībhūya
niratiśayaprītyākṣiptahṛdayaḥ|
taṃtroktasarvatathāgatā-
bhibhavanasamādhi-
nyāyena prajñāsūtrokta
dvāsaptatināḍīsahasraṃ
saṃcodya
ubhāv api paramānandasukhena
toṣayitvā
ālikālikāv ekībhūya
sūkṣmadhātvāya? praviśan
prajñājñānaraśmyudayād ubhāv api
drāvayitvā śukraśoṇitābhyāṃ
sanmiśrībhūya yonimadhye
(15)
bindurūpeṇa patitaḥ|
imam arthaṃ dyota[ya]n āha
mūlatantre
sarvatathāgatakāyavākcittahṛdaya-
vajra [yoyoyoyoyo ] yoṣidbhageṣu
vijahāreti|
tataḥ krameṇa varddhate|
prathamaṃ kalalākāraṃ|
kalalāj jāyate'rbudaṃ|
arbudāj jāyate peśī
peśīto jāyate ghaṇaṃ|
ghaṇāt punar vāyunā preryamāṇāḥ
praśākhāḥ paṃcavidha-
sphoṭakākāraḥ prajāyante|
tataḥ keśaromanakhādaya
indriyāṇi rūpāṇi
vyañjanāny anupūrvaśa iti|
sa ca paṃcatathāgatādhiṣṭhānād
bījāvasthām
ārabhya paṃcākāropajāyate [|]
(16)
atra kalalam akṣobhyasya
arbudaṃ ratnasaṃbhavasya
peśī amitābhasya|
ghaṇo'moghasiddheḥ|
praśākhā vairocanasyā-
dhiṣṭhānam iti|
mahāraktasyāpi paṃcākāraṃ
darśayati|
tatra dravam akṣobhyasya
raktaṃ amitābhasya
peśī ratnasaṃbhavasya|
ghaṇam amoghasiddheḥ
sammiśraṃ
vairocanasyādhiṣṭhānam iti|
dvau nāḍī yonimadhye tu
vāmadakṣiṇayos tathā|
vāme śukram vijānīyād
dakṣiṇe raktam eva ca|
tayor mīlanam ekatvaṃ
dharmadhātau svasaṃgraha
iti||
atas tasya khalu kālāntareṇa
(17)
bījāṅkuravat|
paripākaprāptasya
garbbhaśalyasyābhyantare
mātuḥ kukṣau karmavipākajā
vāyavo vānti|
ye ga[gha]rbbhaśalyaṃ
saṃparivarttya mātuś ca kukṣau
dharmodayadvārābhimukho
'vasthāpayanti|
sacet punsān bhavati
mātur dakṣiṇakukṣim āśritya
pṛṣṭhābhimukhaḥ|
utkuṭukas saṃbhavati|
atha strī tato vāmaṃ kukṣim
āśritya udarābhimukhībhavati|
tato daśānāṃ māsānām ante
mūlasūtrokta-
samayodbhavavajrasamādhipradarśanāya
mātur ggarbbhāt
pracyuto'bhūd iti|
atas sa[rva] gandharvasatvo
(18)
māṃsacakṣuṣā dṛśyatāṅgataḥ|
ataś cāha mūlasūtre|
bha[va]gavān bodhicittavajras
tathāgatas trimukhākāreṇa
sarvatathāgatais
saṃdṛśyate smeti|
atrāha| abdhātuḥ paitṛko jñeyas
tejodhātuś ca mātṛkaḥ|
tvagmānsaś ca raktañ ca
mātṛka ity ucyate|
snāyur majjā[ ?? ] śukraṃ ca
paitṛka iti kathyate|
etan mātrāṇy uktāni
piṇḍasya saṃgrahāṇi ca|
rūpavedanāsaṃjña-
saṃskārāvijñānam eva ca|
paṃcabuddhamayaṃ viśvaṃ
skandhādyā iti kathyate|
ity uktaṃ bhagavatā caturdevī
paripṛcchāmahāyogatantre|
iyatā granthena caturyoganiṣpanno
(19)
[']ham iti maṃtriṇā dārpyam
utpādayitavyam iti||
[ dvitīyanyāśa(sic)deśanā paricchedaḥ||]
[tathotpattikramavyavasthā
prathamaḥ paricchedaḥ||1||]
idānīṃ
vyavastholitṛtīyopadeśam āha|
prathamaṃ tāvat
kāyamaṇḍalaṃ vyavasthāpyate|
brahmasūtraṃ samārabhya
caturasram(sic) vibhāgataḥ|
kūṭāgāram ivābhāti
yogināṃ dehalakṣaṇaṃ|
bhago maṇḍalam ity āha|
bodhicittaṃ ca maṇḍalaṃ|
deho maṇḍalam ity uktam
tridhā maṇḍalakalpaneti|
samājottare vacanāt|
(20)
evaṃ bhūte
svakāyamaṇḍale
skandhadhātvāyatanasvabhāvena
vinyastadevatānāṃ
kāryakāraṇabhāvam āha|
tatra rūpaskandhe
vairocanaḥ|
vedanāskandhe
ratnasaṃbhavaḥ|
saṃjñā amitābhaḥ|
saṃskāro'moghasiddhiḥ|
vijñānam akṣobhyaḥ|
ata āha mūlasūtre|
paṃcaskandhās samāsena
paṃcabuddhāḥ prakīrtitāḥ|
ataḥ skandhānāṃ svalakṣaṇaṃ
jñātvā
paṃcatathāgatavinyāśāt(sic)
pañcaskandhā bodhihetukā bhavanti
(21)
yathoktaṃ mūlasūtre
dveṣo mohas tathā rāgaś
cintāmaṇisamayās tathā|
kulā hy ete tu vai paṃca
kāmamokṣaprasādhakā
iti||
devātīnāṃ vyavasthām āha|
moharatir locanā|
pṛthivīdhātuḥ|
dveṣaratir māmakī
abdhātuḥ|
rāgaratiḥ pāṇḍaravāsinī
tejodhātuḥ|
vajraratis tārā
vāyudhātuḥ|
imam arthaṃ dyotayann
āha mūlasūtre|
pṛthivī locanā khyātā|
abdhātur māmakī smṛtā|
tejaś ca pāṇḍarā khyātā|
(22)
vāyus tārā prakīrttitā
iti|
eṣāṃ dhātūnām api
svalakṣaṇaṃ jñātvā
devatīvinyāśā(sic)d dhātavo
buddhatvadāyakā bhavanti|
cakṣurādyāyatana-
vinyastabodhisatvānāṃ
hetuphalam āha|
sa eva bhagavān cittavajraḥ|
kṣitigarbbhasamādhinā
cakṣurindriye
sthitvā rūpatrayaṃ
prabhāsvaratvena
nirūpya
vajracakṣurindriyaṃ pradadāti|
evaṃ vajrapāṇiḥ
śrotrendriye sthitvā
śabdatrayaṃ tathaiva nirūpya
vajraśrotrendriyaṃ
pradadāti|
ākāśagarbbho
(23)
ghrāṇendriye sthitvā
trigandhaṃ nirūpya
vajraghrāṇendriyaṃ pradadāti|
lokeśvaro jihvendriye sthitvā
trirasaṃ nirūpya
vajrajihvendriyaṃ pradadāti|
bhagavān mañjuśrīḥ
ṣaṭpravṛttivijñāne
sthitvā jñānatrayaṃ nirūpya
paracittajñānābhijñāṃ
pradadāti[|]
bhagavān
sarvanivaraṇaviṣkambhī
kāyendriye sthitvā
nīvaraṇaṃ antarddhātūn
parasparaṃ piṇḍīkṛtya
jātiṃ praveśya vajrakāyam
āpādayati|
bhagavān samantabhadras
samantatas sandhisthāne sthitvā
prabhāśvaraṃ(sic) sandhiṃ
pradadāti[ ?? ]|
bhagavām maitreyaḥ
snāyusvabhāvena sthitvā
snāyubhir baddhvā
(24)
prabhāśva(sic)raṃ praveśayati|
se eva bhagavān
rūpatrayākāreṇa
bāhyavad avabhāsya
cakṣurindriyasukha-
pradānād rūpavajrā|
evaṃ śabdavajrādīnām apy
avagantavyaṃ||
sarvayogo hi bhagavān
vajrasattvas tathāgataḥ|
tasyopabhogaṃ samastaṃ vai
traidhātukam aśeṣata iti
samvare vacanāt|
anena devatīnyāsena
svabhāvaparijñānena ea
viṣayaviśuddhim āpādayati
imam arthaṃ dyotayann
āha mūlesūtre|
vajra-āyatanāny eva
bodhisattvāgramaṇḍala
iti|
rūpaśabdādibhir mantrī
(25)
devatāṃ bhāvayet sade
ti||
avayave vinyastakrodhānāṃ
kāryakāraṇam āha|
yamāntakas savyabhuje
apasavye'parājitaḥ|
hayagrīvo mukhe bhāvyo
vajre cāmṛtakuṇḍaliḥ|
acalaṃ dakṣiṇe bāhau
vāme ca ṭakkirājakaṃ|
jānau ca dakṣiṇe cintayen
nīladaṇḍaṃ maho[j]jvalam|
vāme jānau mahābalaṃ
mūrdhni coṣṇīṣacakriṇaṃ|
pādāntadvayavinyastaṃ
sumbharājaṃ vicintayed iti||
ete daśakrodharājānaḥ
sādhakasyāvayave vinyastā
anābhogenaiva
trimukhaṣaḍbhujākāreṇa
kāyamaṇḍalād
(26)
vinirggatya daśadigvighnagaṇā[n]
tarjayanti||
ata āha mulasūtre|
krodhā dveṣālaye jātā
nityaṃ māraṇatatparāḥ|
sidhyanti māraṇārthena
sādhakāgradharmiṇa
iti||
kāyamaṇḍalavyavasthā
tṛtīyaḥ(sic) paricchedaḥ|| ||
kāyamaṇḍalavinyastadevatānāṃ
hetuñ ca phalam adhigato mantrī
parārthasaṃpattaye
kāyamaṇḍalād utsarggamṇḍalaṃ
nirmmiṇoty anena krameṇa|
tatrāyaṃ kramaḥ|
manasā svakulāṅganāṃ visphārya|
atha vā bāhyāṅganām ādāya
sādhanoktakrameṇa
dvayendriyasamāpattiṃ kṛtvā
bodhicittād
(27)
[ yathaikavimānāddhaṃ]
pūrvoktakrameṇa
kūṭāgāraṃ niṣpādya
vajradhṛg ityādimaṃtraṃ
uccārya
samastadevatācakraṃ sṛjed iti|
utsarggamaṃtravyavasthām
āha|
paṃcākārābhisambodhi-
śūcakaṃ vajraṃ
dhārayatīti vajradhṛk|
anena dveṣakleśam
viśodhya
punar āgatya mahāvajradhareṇa
sahā[ ?? ] dvayībhūya
saṃpuṭayogeṇa madhyamaṇḍale
akṣobhyarūpena vyavasthitaḥ|
evaṃ dvādaśākāra-
dharmacakrāc
caturmārān jayatīti
jinajik|
(28)
sarvāsā(sic)-
paripūrakaṃ ratnaṃ
dhārayatīti
ratnadhṛk|
ā samantāt
ro [la] iti saṃsāraḥ|
saṃsārāl lig gacchatīti
ārolik|
pravicayalakṣaṇā
prajñā
tān dhārayatīti prajñādhṛk||
moho vairocanas
tasmin ratir moharatiḥ|
dveṣo'kṣobhyas
tasmin ratir dveṣaratiḥ|
rāgo'mitābhas
tasmin ratiḥ| rāgaratiḥ|
vajra'moghas
tasmin ratiḥ| vajraratiḥ||
pṛthiv(y)ī-r-ivācalikasamādhis
sa eva garbbha
(29)
ādhyātmo yasya
sa kṣitigarbbhaḥ|
paṃcajñānasvabhāvaṃ vajraṃ
dhārayatīti vajrapāṇiḥ|
ākāśam anāvaraṇajñānam
sa eva garbbha ākāśagarbhaḥ|
samādhibalāl
lokānām īśvaro
lokeśvaraḥ|
prabhāśva(sic)rasamādher
vyutthānān manojñaśrīr
mañjuśrīḥ|
nīvaraṇaṃ kleśaṃ
māyopamasamādhibalād
viṣkambhayati stambhayatīti
sarvanivaraṇaviṣkambhī|
apadadvipadacatuṣpadādisatveṣu
maitryālakṣanatvena
maitreyaḥ|
samantataś śobhano bhadras
samantabhadraḥ|
rūpyate pratibimbyate aneneti rūpaṃ|
śabdyata iti śabdaḥ|
ghrāyata iti gandhaḥ|
(30)
rasyata iti rasaḥ|
spṛśyata iti sparśaḥ|
vajraśabdasānnidhyā
tatsamādhinā
rūpādīnām viśuddhiṃ kathayati||
yamo narakas
tasya sa bhagavān
mahākrodhasamādhinā
'ntaṃ karotīti yamāntakṛt|
prajñayā bandhānām
antaṃ karotīti prajñāntakṛt|
padmadṛṣṭāntena|
ca viśuddharāgāṇām antaṃ karotīti
padmāntakṛt|
vighnāś caturmārās
sa bhagavān
mahākrodhasamādhinā
teṣām antaṃ karotīti
vighnāntakṛt|
aṣṭalokācārān nityaṃ
pracalitahṛdayānāṃ
vajropamasamādhinā
nikṣiptiṃ karotīty acalaḥ|
ṭakkiḥ kāmaḥ|
(31)
rājyate dīpayate
viśudhayata iti
ṭakkirājaḥ|
nīlaṃ
satvānāṃ pāpaṃ
daṇḍo nigrahaḥ ta[ ? ]ṃ
karotīti nīladaṇḍaḥ|
paramārthasatyabalāt
satvānām upakleśaṃ
mardayatīti mahābalaḥ|
satvānāṃ traidhātuka [ ?? ]
niḥ(sic)krāntajñānapradānād
uṣṇīṣacakravartī|
daśadigvighagaṇān
ānīya kīlanān nisumbhanān
nisumbharājaḥ|| ||
ime devā dvātriṃśan
nirmmāṇakāyās trimukha-
ṣaḍbhujākārā
nānācihnamudrā-
(32)
gṛhītāhastāḥ|
bodhicittān
mantraika nirmmāṇād
vā anābhogenaiva
sādhakasya kāyamaṇḍalād
vinirgatya
puṇyasambhāra-
vṛddhyarthaṃ
rāgadveṣamohādi-
caritasatvānāṃ
tattatsamādhinā
kleśādyāvaraṇāni
viśodhya punar āgatya
svakasvakīyeṣv āsaneṣu niṣaṇṇā
abhūvann iti||
(33)
vajracakra-
ratnapadmakhaḍga-
ghaṇṭā yathāsaṃkhyaṃ
ṣaṭ tathāgatānāṃ
uktāni cihnāni|
ta eva praharaṇākāreṇa dhāritāḥ|
śantipuṣṭyādikarmabhedāt
varṇṇabhedena
bhinnāḥ|
sarvaratnair yuktatvād
indranīlavarṇṇaḥ|
imam evotsarggamaṇḍalam-
udbhāvayann āha mūlasūtre|
atha khalv akṣobhyas tathāgataḥ
sarvatathāgatakāyavākcitta-
yoṣidbhageṣu
virajaskaṃ mahāsamaya-
(34)
maṇḍalam adhiṣṭhāpayāmāsa|
svacchaṃ ca tatsvabhāvaṃ
nānārūpaṃ samantataḥ|
buddhameghasamākīrṇṇaṃ
sphuliṅgagahānākulaṃ|
svacchādimaṇḍalair yuktaṃ
sarvatāthāgataṃ puram
iti|
āha|
yady asmiṃs tantre
hastamudrā nāsti|
kathaṃ caturmudrāmudritaṃ
devatārūpaṃ niṣpadyate||
āha||
(35)
niravaśeṣabuddhaguṇā-
laṃkṛtādhārabhūtā
devatākārā
mahāmudrā||
yoṣit samayamudrā|
mantrākṣaram eva
dharmmamudrā|
viśvarūpeṇa
sakalajagadarthakriyā-
niṣpādanaṃ karmmamudrā|
āha
tatvasaṃgrahādy
ubhayatantra-
prasiddha ekamukhaṃ|
kim artham atra
trimukhākāreṇa saṃdṛśyata iti|
āha
(36)
bhagavān eva kāraṇam āha|
sandhyāvyākaraṇa-
vyākhyātantre|
mahātatvam idaṃ tat
sa bāhyādhyātmikaṃ bhavet|
tatvobhayasaṃkalpam
advayaṃ samudāhṛtaṃ|
kaniṣṭhānāmikāmadhya-
tarjjanyaṅguṣṭhakas tathā|
rūpādisamasaṃkhyena
vāmahastena kīrttitāḥ|
eteṣāṃ niḥsvabhāvayogāt
prajñāpravicayalakṣaṇā|
dharmakāyaḥ samākhyātas
tathatādvayasaṃjñakaḥ||
(37)
akṣobhyaratnāmitābhā-
moghavairocanās
tathāgatāḥ|
ete dakṣiṇahastena
kaniṣṭhādiṣu vyavasthitāḥ|
ubhayor ekaḥ saṃghas
tad idaṃ śaraṇatrikaṃ|
buddho dharmmas tathā saṃgha
eko'pi kalpanā trayaṃ|
nibaddhānyonya
vajrasatvaṃ
prajñopāyapadottamaṃ|
añjalir baddhamātre tu
(38)
sarvabuddhān samāvahet
triśaraṇas tritatvan tu
trikāyas trivimokṣakaḥ|
trimukhas tryakṣaraś caivam
tridevaḥ syāt tridhātukaḥ|
tryadhvas trisamayaḥ śreṣṭhas
tritayaḥ syāttrimaṇḍalaḥ
triyogaḥ trimārggaś ca
yāvantaḥ kalpacoditāḥ|
adhyeṣananamaskāra-
lokeṣu prārthanakriyā|
sambuddhatoṣaṇaṃ tat syāt
tvadīyāñjalitaḥ sthitaḥ|
(39)
ye satvās te ca buddhāḥ syus
tathatādvayadharmmataḥ|
asthānasthitiyogena
buddhāḥsarvve vyavasthitā
iti
āha
asmin śrīguhyasamāje|
māṇḍaleya -
devatāvinyāso
nānācāryābhimato
lokepravarttate|
tat kathaṃ sādhakānām
niḥsandeham bhavati|
(40)
āha
sādhu sādhu mahāsatva
yuktyāgamābhyāṃ te
pratipādayāmi|
yathā kāyamaṇḍale
skandhādisvabhāvena
devatāvinyāso nāma ca|
tadvad
utsarggamaṇḍale cāpi
devatāvinyāsena bhavitavyaṃ|
tathāpi mūlasūtre
paripūrṇṇadevatāvinyāso nāsti|
kin tu nācāryakaṃ
pravarttanaṃ mābhūd iti|
maṇḍalavinyāsaś caikatra
paripūrṇṇo bhagavatā na
(41)
pradarśitaḥ|
vyākhyātantre|
śrīvajramālāyāṃ
caikatra pradarśitaḥ|
tad avatāryate|| ||
śṛṇu tvaṃ [vai] mahāsattva
nānyacittena saṃsmara|
vajrācāryasya kāye'smin
kramaṃ kāyajinasthitaḥ|
prathamaṃ kāyavajreṇa
rūpaskandhena saṃsthitaḥ|
anurāgaṇavajreṇa
vedanāskandhena saṃsthitaḥ|
vāgvajreṇa bhagavān
saṃjñāskandhena saṃsthitaḥ|
(42)
sarvapūjana vajreṇa
saṃskāraskandhena
saṃsthitaḥ|
cittavajreṇa bhagavān
vijñānaskandha sthito[']py asau||
māṃsādi pṛthivīdhātur
bhagavatī locanā sthitā||
śoṇitādijaladhātur
bhagavatī māmakī sthitā|
uṣṇāditejodhātur
bhagavatī pāṇḍaravāsinī sthitā|
preraṇādi maruddhātus
tārā bhagavatī sthitā|
netradvayendriyaṃ tasya
kṣitigarbhas tathāgataḥ|
(43)
śrotradvayendriyaṃ tasya
vajrapāṇis tathāgataḥ|
ghrāṇasthitam indriyaṃ tasya
gaganagañjas tathāgataḥ|
jihvāsthitam indriyaṃ tasya
lokeśvaras tathāgataḥ|
manasi sthitam indriyaṃ tasya
mañjughoṣas tathāgataḥ|
caturddhātumayaṃ piṇḍaṃ
śarīraṃ tu saṃjñitaṃ|
sarvanivaraṇaviṣkambhī
tathāgatas tatra tiṣṭhati|
sarvasandhi śarīrasya
samantabhadras tathāgataḥ|
(44)
sarvasnāyuḥ śarīrasya
maitreyas tathāgataḥ||
dakṣiṇe bhujamūle tu
yamāntakas tathāgataḥ|
vāmabhujamūle tu
aparājitas tathāgataḥ|
mukhapadme samtiṣṭhet tu
hayagrīvas tathāgataḥ|
guhyapradeśena tiṣṭhet
amṛtakuṇḍalis tathāgataḥ|
dakṣiṇe bāhau tiṣṭhet tv
acalo'sau tathāgataḥ|
(45)
vāmabāhau tu tiṣṭhet tu
ṭakkirājas tathāgataḥ|
dakṣiṇajānau tiṣṭhet tu
nīladaṇḍas tathāgataḥ|
vāmajānau tiṣṭhet tu
mahābalas tathāgataḥ|
svaśīrṣamūrddhni tiṣṭhet tu
cakravarttī tathāgataḥ|
adhaḥ pāde ca tiṣṭhet tu
sumbharājas tathāgataḥ|
samaste caiva kāye'smin
sarva tathāgatāḥ sthitāḥ|
kāyamaṇḍalam ity uktaṃ
vajrācāryasya kāyikaṃ|
(46)
ete sakalasambuddhāḥ
samāstā buddhakāyikāḥ|
praveśayanti nirvvāṇāṃ
vajrī saṃskṛtadeśinaṃ|
śīghraṃ nirvvāsi bhagavan
paripaktaṃ kuśalaṃ bhava
tasmād vajraguroḥ kāye
jināḥ sarvve adhiṣṭhitāḥ
paścātkāle mahāsatva
śṛṇu he'moghadarśaka|
ādikarmmikasatvaiś ca
guruḥ sevyaḥ prayatnataḥ|
tathāmoghadarśinā
sahabodhisatvā mahāyaśās
(47)
tuṣṭāḥ pramuditā hṛṣṭāḥ
praṇamyāśrūni patitā
iti||
āha
sarvabuddhabodhisattvān
sarvakleśaprahīṇān
daśabalavaiśāradyādi
buddhaguṇaprāptān
asmin prākṛtadehe
vinyased iti viruddhākhyāyikā
āha|
yathā patadgrahāvasthāyā[ṃ]
śleṣmā sphāryate|
bhajanāvasthāyā[ṃ] loko
bhumkte|
pratimāvasthāyāṃ
pūjā kriyate|
tathā
prākṛtadeho rāga-
dveṣamohādayaś ca
(48)
pūrvāvasthāyāṃ
saṃsārahetukāḥ
paścāt svabhāvaparijñāne
pariśuddhās
sarvajñajñāsiddhaye
hetukā bhavantīti na doṣaḥ|
tathācoktaṃ|
svaśucipratimām imāṃ gṛhītvā
[ji]naratnapratimāṃ karoty
anarghā|
rasajātamatīva vedhanīyaṃ|
sudṛḍhaṃ gṛhṇata bodhicitta [ssa]saṃjñam
iti| tathā cāha|
ratnakūṭasūtre|
tad yathā kāśyāpa
sa[ṃ]karākīrṇṇāyāṃ pṛthivyāṃ
sarvabījāni virohanti|
evam eva kāśyapa kleśasaṃkāra-
kīrṇṇe lokasanniveśe
bodhisatvasya
buddhadharmā
virohantīti|
sandhyāvyākaraṇamahāyogatantre[']py āha|
(49)
śū(sic)kṣmayogārthatatvajñaṃ [ḥ]
vajrapāṇiṃ yaśasvinaṃ|
jagadadvayayogena
so'vadat sandhāya śū(sic)kṣmakam|| ||
paṃcākāram imāṃ bodhir
nagāmijanahetukāṃ|
dharmasaṅgītikāye'smin
bhāṣante ca yathāyathāṃ||
skandhā ete hi buddhāḥ syur
bodhyartha pratyayodbhavāḥ|
te pi tathāgatāḥ khyātās
tathatādvayayogataḥ||
utsarggamaṇḍala-
vyavasthā
caturthaḥ paricchedaḥ|| ||
idānīṃ
paramārthamaṇḍalavyavasthā
pradarśanāyoddeśapadaṃ
(50)
mūlasūtrād avatāryate|
samayāt kṣared retaṃ vidhinā
pibet phalakāṃkṣayā|
mārayet tāthāgatavyūhaṃ
sutarāṃ siddhim āpnuyād
iti|| uddeśaḥ|| saptamapaṭale
tv asya nirdeśo vyākhyātaṃtre
sandhyāvyākaraṇani[r]diṣṭaḥ|
rūpādyādhyātmikān dharmān
paśyato[ ? ] vipaśyanā|
akṣobhyādi yathāsaṃkhayaṃ
kalpayan sa (sic)matho bhavet|
anayor niḥsvabhāvatvaṃ
tathatāśāntasaṃjñakaṃ|
tathatāmaṇḍale yogī
sarvabuddhān praveśayed iti|
tasyāpi pratinirdeśaḥ|
vajramālāmahāyogataṃtre
vivṛtas
tad avatāryate|
rūpaskandhagatādarśo
(51)
bhūdhātur nayanendriyaṃ|
rūpaṃ ca paṃcamaṃ yāti
krodhamaitreyasaṃyutaṃ|
vedanāskandhāḥ samatā
abdhātuḥ śravaṇendriyaṃ|
śabdaś ca paṃcamaṃ yāti
krodhadvayasamanvitaṃ|
saṃjñā ca pratyavekṣaṇyaṃ
hutabhug nāsikendriyaṃ|
gandhaś ca paṃcamaṃ yāti
krodhadvayasamanvitaṃ|
saṃskārāḥ kṛtyānuṣṭhānaṃ
māruto rasanendriyaṃ[|]
[rasa]ś ca pañcamaṃ yāti
krodhadvayasamanvitaṃ||
ūrdhvādhaḥ
krodhasaṃyuktaṃ
prakṛtyābhāsam eva ca|
vijñānaskandham āyāti
vijñānaṃ ca prabhāśva(sic)raṃ||
[ca] nirvāṇaṃ sarvaśūnyaṃ ca
dharmakāyo nigadyate|
(52)
dṛḍhīkaraṇahetoś ca
maṃtram etad udāharet|
oṃ śūnyatā[jñāna]vajra
svabhāvātmako'ham
iti||0||
vyavastholitṛtīyopadeśam
āha
rūpaskandhe prabhāśva(sic)raṃ
praviṣṭe sati lakṣaṇaṃ
lakṣayed budhaḥ|
sarvāṅgarūpāṇi
sthāmāni mlānāni mṛdūni mātrāṇi
śithilāni bhavanti|
ādarśajñāne gate
timiratvaṃ|
bhūdhātau gate
sarvaśarīrakṛśatvaṃ|
nayanendriye gate
cakṣur vikāro bhavati|
saṃkṣubhati ca|
rūpaviṣaye gate svakāyavivarṇṇa
(53)
āyāmalīnatvaṃ bhavati|
evam [an]ādisaṃsāre
apadadvipadacatuṣpadādi-
satvānāṃ vairocanakulīnāḥ
kāyamaṇḍale sthitvā
paramārthamaṇḍalaṃ
kṣaṇamandakrameṇa praveśanti[|]
ye hy avayavasthitās teṣām
atra vyavasthā nāsti
tathāpy anukrameṇa
paramārthasatye
praviśanti|
evaṃ dvitīyaratnakuladevatānāṃ
paramārthasatye
praveśakāle [la]kṣaṇaṃ
lakṣayed budhaḥ|
vedanāskandhe līne
vātapittaśleṣmasannipātādi
kāyikavedanā
nānubhūyate|
samatājñāne līne
(54)
triprakāraṃ mānasikavedanāṃ
na smārati|
abdhātau līne svakāye
lālāsvedamūtraraktaśukrādīni
śuṣyanti||
śravaṇendriye līne
sabāhyābhyantaraśabdo
na śrūyate|
śabdaviṣaye līne
svakāye śabdaṃ na śṛṇoti|
dvitīyaratnakuladevatā-
nupraveśaḥ||
tṛtīye padmakuladevatānāṃ
tathatāyāṃ praveśakāle
kṣaṇaṃ lakṣayed budhaḥ|
saṃ[ ? ] jñāskandhe līne
dvipadādisatvānāṃ saṃjñā
na samarati|
pratyavekṣaṇājñāne līne
mātṛputra-
bāndhavādīnāṃ
sarvasaṃjñāṃ jagati na smarati|
tejodhātau līne
(55)
sarvvāharo na pacyate|
ghrāṇendriye līne
mandāśvasa
ūrdhvagatiś ca bhavati[|]
gandha[viṣaye] līne
[visaviṣaya]svakāye
gandhavisa(sic)yo na ghrāyate||
tritīyapadmakuladevatā-
nupraveśaḥ||
caturthakarmakuladevatānāṃ
bhūtakoṭyāṃ praveśam āha
lakṣaṇaṃ lakṣayed budhaḥ|
tatra saṃskāraskandhe līne
sarvakāyakaraṇīyaṃ
na pravarttate|
kṛtyānuṣṭhāne līne
bāhyalaukikasthitikriyāvyāpāran
na smarati|
vāyudhātau līne
prāṇādidaśavāyavaḥ
svasthānād vicchidyante|
jihvendriye līne
(56)
jihvā sthūlā hrasvā
nīlamūlā ca bhavati|
rasaviṣaye līne
ṣaḍraso nānubhūyate|
caturthakarmakuladevatā
nupraveśaḥ||
śeṣaṃ prakṛtyābhāsaṃ
mañjuśrījñānaṃ
dvitīyakrameṇa
jñāyate|
sa ca prāṇāyāmena sahaṃ
vajrajāpakrameṇa sthitvā
piṇḍagrahānuprabheda
[nītva]krameṇā-
nāhataṃ sākṣāt kṛtvā|
tato dhāraṇāyām
upasaṃhāraṃ karoti|
tadā
oṃ śūnyatājñānavajra
svabhāvātmako'ham iti
(57)
mantrārthaḥ sākṣātkṛto bhavati
āha
asya mantrasyārthaṃ nirdiśatu
bhagavān va [va]jraguruś śāstā|
vajragurur āha|
bhagavataiva
vivṛtaṃ vyākhyātantre
tan nirdiśyate|
atha tathāgatās sarve
śū(sic)kṣmayoge vyavasthitāḥ|
o[ṃ]m ity[ādy]
ekasaṃyuktaṃ
dvitīyaṃ śūnyateti ca|
tṛtīyaṃ jñānam ity eva
caturtham vajrasaṃjñakaṃ|
svabhāvātmaka pañcamākhyaṃ
ṣaṣṭho [']ham iti procyate|
evaṃ tathāgataṣaṭkaṃ
kathitaṃ uttame jane|
oṃ śūnyateti yugmādi
jñāna[ṃ] vajraṃ dvitīyakaṃ|
tatsvabhāvātmako'haṃ syāt
tritatvaṃ cātra kalpitaṃ|
(58)
tritatvam ekaṃ bhavet samyak
vyaktāvyaktasaṃjñakaṃ|
api ca vajradhṛk kaścit
triśaṃ(sic)ketānvito naraḥ|
āvāhanaṃ visarjanaṃ syāt
tathā sthāpanam eva ca|
āvāhanaṃ praveśena
tvaritena visarjanaṃ|
bāṣpeṇa sthāpanaṃ tat syād
viśvastāt siddhir uttamā||
tattatpuruṣā [pa] yogena
mahāmudraikabhāvanā|
tvaritāditraye yukte
mudrāsādhanam vidhīyate||
tvarite vibandhe bāṣpe
kathitā mantrayojanā|
karṇṇamūle tu śiṣyāya
ācāryeṇa prayatnataḥ||0||
iti
śrīguhyasamāja
mahāyogataṃtre
paramārthamaṇḍala-
vyavasthā
(59)
paricchedaḥ paṃcamavyavastholis
samāptā||0||
kṛtir ācārya nāgabuddhipādānām
iti||0||
(60)